Fan 14 oant 17 maaie wie yn Lissabon (Portugal) de fierde edysje fan it kongres “Archiving: digitalization, preservation and access”, dêr’t ECHOES oan mei die fia in presintaasje en in workshop.
By it kongres waarden de lêste ynnovaasjes en projekten op it mêd fan digitalisearring en behâld dield en besprutsen. Ricard de la Vega, Computing and Applications Manager by CSUC en lid fan ECHOES, hold de konferinsje “Technical Challenges and Approaches to Build an Open Ecosystem of Heterogeneous Heritage Collections” binnen de sesje “Access: Integration of Linked Open [usable] Data” fan 17 maaie. De la Vega beljochte benammen de definysje en technyske funksjes fan ECHOES.
Technyske útdagingen en benaderingen om in iepen ekosysteem fan heterogene erfgoedkolleksjes fan ECHOES (Empowering Communities with a Heritage Open Ecosystem) te bouwen.
Dêrnjonken hiene guon fan de oanwêzigen by Archiving 2019 de kâns om diel te nimmen oan in ynteraktive workshop op tiisdei de 14e troch Walther Hasselo fan Erfgoed Leiden en Omstreken en Olav Kwakman fan Tresoar, beide leden fan ECHOES. De workshop rjochte de fokus op de mooglikheden dy’t ECHOES biedt tank sij de ‘open source softwaretools’ dy’t it brûkt. Dat wol sizze, de transformaasje fan metadata nei keppele iepen data, de ferriking fan dy data en hoe’t dy op in ynnovative wize te sykjen en te fisualisearjen.
By de fjirde edysje fan it kongres is de earste ferzje fan de nije ECHOES webside en in nije fisuele identiteit presintearre dy’t de fusy fan ferskate kulturele neilittenskippen opropt. Mei it nije web kinne brûkers sykje nei konsepten, digitale objekten, minsken, plakken en tiid, sadat de brûker syn eigen skiednis makket mei in ynteraktive en maklik te brûken fisualisaasje.
