Fan 17 oant 20 april wie yn Washington, DC (F.S.A) it ‘Archiving 2019 Congress’ dat wijd wie oan Digitalisearring, Behâld en Tagong en wêryn ECHOES presintearre waard.
Walther Hasselo en Ariela Netiv, fan de Nederlânske organisaasje Erfgoed Leiden yn Omstreken (ELO), presintearren it artikel “Empowering Communities with a Heritage Open EcoSystem” by de sessy “Interactive paper Previews” op 19 april. Yn oanfolling op dat artikel is ek in taljochtsjende poster fan it projekt presintearre.
It artikel jout in oersicht fan it projekt “Empowering Communities” mei in “Heritage Open Ecosystem” (ECHOES), dat, mei de doer fan twa jier, as doel hat de hjoeddeistige behinderingen foar tagong ta it kulturele erfgoed fan ferskate lannen op te lossen fia in mienskiplik platfoarm.
Fia in modulêre ICT-arsjitektuer op basis fan ‘open source’ sammelet ECHOES ferskate dokuminten oangeande Europeesk erfgoed. Dat platfoarm, wêrfan in earste ferzje yn desimber 2017 útbrocht waard, wurket as in digitaal ekosysteem, dat bestiet út in breed skala oan brûkers-mienskippen en makket it aktyf dielnimmen mooglik mei de mooglikheid om de digitale kolleksje te ferrykjen.
